"Saída complicada" para o Pontevedra contra o Avilés, un "xigante durmido" que "está á espera de ter unha serie positiva"
Por Almu Dapena
O Pontevedra Club de Fútbol afronta este domingo unha "saída complicada" ao campo do Avilés (12:00 horas), un "xigante durmido de moito nivel dentro da categoría que nos vai a esixir moitísimo" pero que "está á espera de ter unha serie positiva".
O Real Avilés Industrial conta practicamente os seus partidos por empates, e é que de oito xornadas disputadas, gañou unha, perdeu outra e empatou o resto. "A tempada pasada empezaron así e quedaron a nada de ascender", explicou Yago Iglesias; "si é certo que este ano tiveron baixas importantes de xogadores que ata o momento foron importantes, pero rexuveneceron equipo e asinado xogadores de categoría superior" polo que está "convencido de que acabará pelexando por todo".
Os granates, pola contra, chegan nun bo momento pero "tócanos saír fóra de casa e dar nosa mellor versión", admitiu o adestrador, que quere que a continuidade que teñen os seus en canto ao xogo e a dinámica continúe semana a semana adaptándose aos diferentes escenarios nos que poida atoparse.
De feito, o Pontevedra vai atopar a un equipo "que xera e leva a iniciativa do partido" e que a pesar de contar coa baixa de Iván Serrano por sanción, "ten un plantel amplo con todos os postos dobrados".
Yago Iglesias, pola súa banda, contará con todos os xogadores fóra de Borja Domínguez, que xa estivo a facer exercicios co grupo, e os lesionados de longa duración como son Casades e Barbeiro.
O ZAMORA XOGA O SABÁDO
O líder Zamora, con 19 puntos, xoga o sábado ás 19:30 horas contra o Real Oviedo B, polo que en caso de perder ou empatar e o Pontevedra gañar o domingo, os granates serían líderes.
E aínda que esa situación poida darse, Yago Iglesias prefire "extraerse do exterior", tanto el como o persoal. "Centrámonos sempre no noso", recoñeceu o técnico, "fixarnos nos rivais pódeche prexudicar" e, á fin e ao cabo, un posto ou outro na clasificación "depende de nós e de sacar o noso partido adiante".
Relacionadas:
-
O Pontevedra rasca un punto na casa dun correúdo Avilés (1-1)
Por Almu Dapena |
-
Álex González e Dalisson estrean este curso as visitas escolares do Pontevedra
Por Redacción & Mónica Patxot |
-
Avilés-Pontevedra, un duelo con historia
Por Diego Espiño |
-
Yelko Pino e o bo momento do Pontevedra: "Isto non é nada fácil, non vai ser a realidade de todo o ano"
Por Diego Espiño |
-
O Pontevedra programa en Pasarón o partido do filial fronte ao Estradense
Por Redacción |
-
Aumentar a asistencia a Pasarón, tarefa pendente do Pontevedra
Por Diego Espiño |
-
O gol é cousa de todos no Pontevedra
Por Diego Espiño |
-
Triunfo de oficio do Pontevedra para colocarse a dous puntos do liderado (3-0)
Por Almu Dapena & Cristina Saiz |