Yago Iglesias, sobre o peche do mercado: "Temos o filial en Terceira que nos permite non ter que gastar ou malgastar as fichas sub-23"
Por Diego Espiño
O Pontevedra Club de Fútbol conta as horas para estrear a nova tempada coa visita da Gimnástica de Torrelavega o vindeiro domingo 3 de setembro (19.00 horas) ao Estadio Municipal de Pasarón.
Faino no medio dos compases finais do mercado de fichaxes, que pecha este venres 1 de setembro aínda que seguirá aberto despois do límite para futbolistas que se atopen no paro. Nese sentido, no cadro granate, "aínda temos fichas dispoñibles en plantel, neste caso sub-23, as 16 sénior que hai que ter témolas ocupadas", lembrou na comparecencia previa ao choque o adestrador do primeiro equipo, Yago Iglesias.
Con todo "aparece algo do perfil sub-23 e que encaixe se valoraría, pero non o estamos buscando, esa é a realidade", recoñece o técnico.
Iglesias defende que "temos o filial en Terceira que nos permite non ter que gastar ou malgastar esas fichas sub-23", porque no segundo equipo "aínda sendo un recentemente ascendido a Terceira ten xogadores de moito nivel".
O que segue sen aclararse en todo caso é o futuro de Libasse Guèye, con contrato en vigo co club. "É algo que está a tramitar o club, o que está claro é que Guèye non está con nosnotros e eu teño que traballar cos que realmente están", respondeu Yago sobre un asunto que desvía aos despachos de Pasarón.
En canto ao primeiro rival en liga, a Gimnástica de Torrelavega, o adestrador granate espera a un bloque que "foi un dos equipos revelación o ano pasado, é un claro exemplo dos proxectos de continuidade", nos que todos os futbolistas coñécense á perfección. Ademais incorporaron bos xogadores dentro da categoría", polo que "seguro que nolo poñerán difícil".
Yago confía en ter a todo o plantel dispoñible para a cita, aínda que Toño Calvo é dúbida para o debut debido a unhas molestias que lle fixeron exercitarse os últimos días a menor ritmo que os seus compañeiros.
Relacionadas:
-
Yago Iglesias está "convencido" de que este domingo "imos ver un Pontevedra que vai facer goles e vai conseguir os tres puntos"
Por Almu Dapena |
-
O Pontevedra B non pasa do empate en Arteixo (1-1)
Por Redacción |
-
Un Pontevedra de máis a menos regala un empate ao Valladolid Promesas (1-1)
Por Almu Dapena |
-
"Ter carácter e ritmo" e "non cometer os mesmos erros que a semana pasada", fórmula de Yago Iglesias para gañar o Valladolid Promesas
Por Almu Dapena |
-
O descenso non desanima á masa social do Pontevedra, que contabiliza 2.152 socios, con 233 novas altas
Por Ramiro Espiño |
-
A falta de acerto condena un Pontevedra que brillou na estrea de liga ante a Gimnástica de Torrelavega (1-2)
Por Almu Dapena & Cristina Saiz |
-
Yelko Pino: "A miña intención sempre foi continuar aquí"
Por Diego Espiño |
-
A ofrenda á Peregrina, inicio dunha tempada para o Pontevedra que "esperamos que sexa de éxitos"
Por Diego Espiño & Mónica Patxot |
-
A Gimnástica de Torrelavega, un equipo sen complexos como primeiro exame da tempada
Por Diego Espiño |
-
O Pontevedra encara a súa primeira semana de competición "con todos os efectivos ao 100%"
Por Diego Espiño |
-
Goleada do Pontevedra o Vilalonga no último amigable da pretempada (1-4)
Por Redacción & Cristina Saiz |