O waterpolista pontevedrés Álex Andión ficha polo CN Echeyde de Tenerife
Por Redacción
A perla do waterpolo pontevedrés, Álex Andión, segue progresando na súa carreira. O deportista de 20 anos cambia o CN Rubí catalán polo CN Echeyde de Tenerife para seguir competindo na máxima categoría do waterpolo nacional.
O pasado ano, Andión foi unha peza importante no conxunto catalán, que logrou salvar a categoría cun punto de vantaxe sobre o pechacancelas Cabala.
O traspaso supón un paso adiante na incipiente carreira do pontevedrés, que tras o seu paso polas categorías inferiores do Sabadell e logo como integrante do primeiro equipo do Rubí, únese ao proxecto do conxunto canario, que na pasada campaña terminou a liga regular en sexta posición, a só tres puntos do playoff polo título.
O lateral de 1,98 metros de altura e 90 quilos de peso formado na canteira do CW Pontevedra, é a primeira fichaxe do cadro tinerfeño, que o próximo ano marcarase obxectivos máis ambiciosos.
Enhorabuena a Álex y al @CNECHEYDE !
— Waterpolo Pontevedra (@WP_Pontevedra) July 18, 2023
Seguiremos vuestros éxitos desde Pontevedra!
Mucha suerte en esta nueva etapa! https://t.co/rjFsyTkI2j
Relacionadas:
-
Se queres iniciarte no waterpolo tes unha cita o 6 de setembro
Por Redacción |
-
O Waterpolo Pontevedra, sen piscina para competir en Nacional: "Hai máis posibilidades de seguir en Marín que de xogar na Olímpica"
Por Diego Espiño |
-
O waterpolo pontevedrés exporta talento ás categorías nacionais
Por Redacción |
-
Álex Andión celebra en Pontevedra o seu título da LEN Euro Cup de waterpolo: "Poder conseguir isto foi unha gran honra"
Por Diego Espiño |
-
Álex Andión, un pontevedrés campión continental de waterpolo
Por Diego Espiño |
-
Álex Andión rompe barreiras para o waterpolo galego como campión da Supercopa co Sabadell
Por Diego Espiño |
-
O CN Sabadell ficha a dous xuvenís do CW Pontevedra
Por Manu Otero |