O CN Sabadell ficha a dous xuvenís do CW Pontevedra
Por Manu Otero
A canteira pontevedresa de waterpolo empeza a chamar a atención dos grandes equipos do país. O CN Sabadell acaba de pechar a fichaxe de dous xuvenís do CW Pontevedra, Álex Andión e Diego Touriño. A pesar de que aínda son xuvenís de primeiro ano, ambos os xogadores foron claves nos éxitos do conxunto pontevedrés da pasada tempada e tiveron un importante papel no campionato de España celebrado en Marín, no que Andión, aínda en idade cadete, foi nomeado mellor xogador do torneo.
"É un orgullo que equipos como o CN Sabadell, que non foi o único, se fíxe en xogadores da nosa canteira", dixo este luns o presidente do CW Pontevedra, José Tellería, nunha recepción que tivo lugar no Concello para despedir aos dous xogadores. "Estamos moi satisfeitos porque o club está a producir xogadores de gran nivel", felicitou o concelleiro de Deportes, Tino Fernández, á directiva e adestradores do equipo da cidade.
Aínda que se trata dun importante avance para a canteira galega, a marcha destas dúas promesas ten un transfondo negativo para o CW Pontevedra. "Que se vaian debilítanos un pouco o equipo, pero os que quedan terán que dar o do de peito e cubrir a baixa de Álex e Diego", recoñece o mandatario, quen aproveitou a ocasión para "poñer en valor o traballo que fan os nosos técnicos".
O traballo realizado polos adestradores foi o que máis destacaron ambos os xogadores, quen tamén agradeceron o apoio do club e mostráronse moi ilusionados ante este novo reto. "Imos gozar, a vivir a aventura e a cumprir o noso soño", dixo Álex Andión. "Van triunfar porque teñen calidades para facelo", asegurou o director técnico do equipo, Javi de Sáa.
A única contraprestación que recibirá o CW Pontevedra por parte do CN Sabadell, que leva de forma gratuíta ás dúas principais promesas do waterpolo pontevedrés, pasa pola realización de concentracións dalgúns xogadores do conxunto galego nas instalacións e cos técnicos do equipo catalán ou a posibilidade de realizar algún tipo de competición amigable en Pontevedra na que participe este equipo.
Relacionadas:
-
O waterpolista pontevedrés Álex Andión ficha polo CN Echeyde de Tenerife
Por Redacción |
-
Álex Andión, un pontevedrés campión continental de waterpolo
Por Diego Espiño |
-
O pontevedrés Álex Andión, chamado a nunha concentración nacional xuvenil de waterpolo
Por Redacción |
-
Álex Andión recarga pilas co CW Pontevedra para afrontar o seu salto á primeira liña do waterpolo continental
Por Manu Otero |
-
Álex Andión rompe barreiras para o waterpolo galego como campión da Supercopa co Sabadell
Por Diego Espiño |
-
Alejandro Andión e Diego Touriño, dous pontevedreses no Plan Nacional de Tecnificación de Waterpolo
Por Redacción |
-
A tempada iníciase con título para o Waterpolo Pontevedra na Supercopa Galega
Por Redacción |
-
O Waterpolo Pontevedra afina a súa posta a punto en Portugal
Por Redacción |
-
O Waterpolo Pontevedra comeza a pretemporada na praia
Por Manu Otero |
-
O Waterpolo Pontevedra busca cativada para a súa canteira
Por Manu Otero |
-
O equipo cadete confirma o paso adiante do Waterpolo Pontevedra
Por Redacción |
-
O CW Pontevedra, bronce no Campionato de España Xuvenil
Por Redacción & Diego Torrado |
-
O CW Pontevedra celebra os seus vinte anos coa organización do campionato de España xuvenil
Por Manu Otero |