Choiva de récords galegos na penúltima xornada do Circuito de Atletismo en Pista
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Circuito de Atletismo en Pista celebrou este mércores co XXIV Memorial Celso Mariño a súa penúltima xornada, na que se festexaron tres récords galegos e varias marcas persoais, en especial dos atletas da Sociedad Gimnástica Pontevedra, clube organizador.
Á plusmarca autonómica obtida por Dani Chamosa o pasado domingo no Campionato Galego Absoluto en 5.000 m, esta semana hai que sumarlle un novo récord galego absoluto en 3.000 m marcha tras parar o cronómetro en 11:31.82. E por se fora pouco, a súa irmá, Antía, tamén bateu o récord galego en 3.000 m marcha nun tempo de 12:27.95. Tamén fixo unha nova mellor marca galega en lanzamento de peso de categoría sub16 o atleta do Clube Rías Baixas, Hugo Casañas (17,22m).
A Boa Vila tamén foi testemuña de tres marcas persoais por parte de atletas da Gimnástica: Cristina Garrido en 100ml (12.07), que ademais tamén supón un novo récord do club; a catrocentista Eugenia Gil nos 800ml (2:12.09); e Marina Artemia Pérez en triplo salto (11,59m).
Destacan tamén as marcas de Fernando Fariña, atleta das escolas do club de categoría sub14, ao superar o listón en salto de altura en 1,60m, e Jacobo Soler (Grupoempleo Pamplona Atlético) e Sergio Rodríguez (Sociedad Gimnástica de Pontevedra), que protagonizaron un dos momentos máis emocionantes co man a man que tiveron en 100ml e 200ml. Na proba reina da velocidade, Jacobo baixou da barreira dos 11 segundos con 10.94; mentres que Sergio se quedou ás portas de conseguir ese obxectivo con 11.00. Nos 200ml, os dous estiveron por debaixo dos 22 segundos.
A última xornada do Circuito de Atletismo en Pista celebrarase o 7 de xullo no CGTD de Pontevedra co XVLII Trofeo Virxe Peregrina.
Relacionadas:
-
Antía Chamosa brilla no Nacional conseguindo a medalla de prata nos 10.000 metros marcha
Por Diego Espiño |
-
Isabel Caeiro suma para a Gimnástica un ouro no Campionato de España Sub20 de atletismo
Por Redacción |
-
Dobrete das atletas sub 16 Sabela Castelo e Sabela Martínez nos 3.000 metros lisos
Por Redacción |
-
Dani Chamosa bate o récord galego de 5.000 metros marcha
Por Almu Dapena |
-
A Gimnástica pecha a tempada co equipo masculino en División de Honra e o feminino en Primeira División
Por Almu Dapena |
-
O equipo nacional de 20 quilómetros marcha, con Antía Chamosa, a tres puntos do bronce no Europeo de Podebrady
Por Redacción |