Avultada derrota do Waterpolo Pontevedra ante o Real Canoe (7-16)
Por Cristina Saiz & Redacción
A segunda volta de Primeira Nacional Feminina non empezou do todo ben para o Waterpolo Pontevedra, que caeu con contundencia contra o Real Canoe na piscina da Escola Naval de Marín.
Empezou o partido con completa igualdade, coas pontevedresas anotando e as rivais respondendo da mesma forma asinando un 4-4 no marcador.
Con todo, o Real Canoe pronto deu a volta ao resultado, endosando un parcial de 0-3 que enviou o partido ao descanso nun doloroso 4-7.
A partir do intermedio as cousas complicáronse aínda máis para o Waterpolo Pontevedra, as forzas empezaron a fraquear e o cadro madrileño converteuse nun muro defensivo e un furacán en ataque, anotando un 0-4 no terceiro cuarto (4-11).
Con todo xa decidido alcanzáronse os minutos finais nos que o partido se decantou definitivamente para o Real Canoe por 7-16.
Consulta as estatísticas nesta ligazón
Relacionadas:
-
O Waterpolo Pontevedra 'afoga' o colíder Horta na quenda de penaltis (13-11)
Por Redacción |
-
Vitoria en Alcorcón como inicio de ano para o Waterpolo Pontevedra (7-10)
Por Redacción |
-
O CW Pontevedra honra ao seu fundador coa disputa do primeiro Memorial Fernando Malecho
Por Redacción |
-
Remontada e primeiro triunfo a domicilio do Waterpolo Pontevedra para pechar a primeira volta (10-12)
Por Redacción |
-
Importante triunfo do Waterpolo Pontevedra ante un rival directo pola permanencia na Primeira Nacional, o CW Marbella (15-10)
Por Redacción & Cristina Saiz |
-
O Waterpolo Pontevedra roza no País Vasco o seu primeiro triunfo a domicilio na Primeira División Feminina
Por Redacción |
-
Histórica vitoria do Waterpolo Pontevedra á conta do Mallorca
Por Redacción |