Saltos de 'gran altura' na praza da Ferrería da man da Gimnástica
Por Redacción
Os mellores saltadores galegos déronse cita este sábado na praza da Ferrería para celebrar unha nova edición do Saltar na Rúa, a festa deportiva que todos os anos organiza a Sociedad Gimnástica de Pontevedra.
Despois de dous anos celebrándose na Ponte do Burgo, o atletismo volveu reinar no centro da Boa Vila ante a expectación de numerosos afeccionados e curiosos que puideron ver a saltadores de talla olímpica ou campións galegos.
Así, entre aplausos do público, comezou a exhibición co salto de lonxitude da man de Jean Marie Okutu (FC Barcelona), olímpico en Río 2016 e campión de España absoluto en numerosas ocasións, e Andrea Villaverde (Sociedad Gimnástica), campioa galega absoluta.
Despois foi a quenda do triplo salto con Diego Míguez (Sociedad Gimnástica), campión galego absoluto, Anxo Blanco, campión de España sub 23 en 2018, Alfonso Palomanes, récord galego absoluto de triplo salto e campión de España absoluto en 2016, Uxía Paz (Celta), cuarta no nacional sub 23 de 2022, e Marina Artemia Pérez (Sociedad Gimnástica), bronce no nacional sub 16 de pista cuberta.
Pecharon a xornada co salto de pértega de Luís Mouro, récord galego absoluto, Tomás López (Sada), campión galego absoluto, e Nerea Fernández (Adas O Barco), campioa galega absoluta.
Relacionadas:
-
Pontevedra goza dunha tarde de saltos na rúa
Por Redacción & Cristina Saiz |
-
Festa multitudinaria nas pistas do Centro Galego de Tecnificación Deportiva
Por Manu Otero & Cristina Saiz |
-
A Federación Galega sitúa á Gimnástica como o mellor equipo feminino do 2021
Por Redacción |
-
Saltar na Rúa recupera o seu lugar no centro de Pontevedra cun cartel cheo de atletas galegos de elite
Por Redacción |