Intensa xornada inaugural do Europeo de Fútbol Gaélico en Pontevedra e Poio
Por Redacción & Mónica Patxot
Os campos Manolo Barreiro da Xunqueira e Monte Porreiro en Pontevedra e o da Seca en Poio acollen este venres 15 e sábado 16 o Campionato de Europa de Fútbol Gaélico.
Ao redor de 400 deportistas repartidos en 25 equipos danse cita nunha competición que viviu toda unha batería de partidos desde primeira hora da mañá.
As seleccións galegas foron protagonistas da primeira xornada, tanto na categoría Championchip (absoluta) como na Development, con sede en Poio. En especial o equipo feminino galego absoluto, que iniciou a competición na que defende título continental derrotando a Francia B (22-2), Alemaña (36-0), Luxemburgo (27-3) e Bretaña (21-3).
Pola súa banda na competición masculina, Galicia venceu a Benelux (27-2) e Iberia (25-5) e caeu derrotada ante Francia (6-17).
O Campionato de Europa de Fútbol Gaélico vivirá este sábado a súa xornada final, coa pelexa masculina polo título absoluto prevista ás 18.40 horas na Xunqueira e a masculina para as 19.30 horas.
Relacionadas:
-
Galicia triunfa no Europeo de Fútbol Gaélico celebrado en Pontevedra e Poio
Por Redacción |
-
400 deportistas chegan a Pontevedra para participar no Europeo de fútbol gaélico
Por Diego Espiño |
-
A TVG retransmitirá as finais do Europeo de Fútbol Gaélico que se xogará en Pontevedra e Poio
Por Redacción |
-
Galicia, a por todas no Campionato de Europa de Fútbol Gaélico que se xogará en Pontevedra
Por Redacción |
-
Pontevedra e Poio acollerán o Europeo de fútbol gaélico no mes de xullo
Por Redacción |