A TVG retransmitirá as finais do Europeo de Fútbol Gaélico que se xogará en Pontevedra e Poio
Por Redacción
O Campionato de Europa de Fútbol Gaélico que se vai a celebrar os días 15 e 16 de xullo en Pontevedra e Poio terá cobertura trelevisiva, polo menos no que respecta ás súas finais.
Así o confirmou a Corporación Radio Televisión de Galicia (CRTVG), sinalando que se emitirán pola segunda canle da TVG as finais, tanto masculina como feminina, do cadro principal do torneo o vindeiro sábado 16 de xullo a partir das 20.00 horas da tarde.
Estes encontros disputaranse no campo municipal Manolo Barreiro da Xunqueira.
"Con estas transmisións, a canle pública busca apoiar disciplinas locais con forte seguimento, en que se mestura a práctica deportiva, coa tradición e o propio idioma", xustifica a corporación autonómica.
No que respecta ao torneo, no que Galicia tentará repetir os resultados do último Europeo en Bretaña con título en categoría feminina e subcampeonato en categoría masculina, será o Campionato de Europa co maior número de participantes ao contar con 25 equipos instrictos.
A competición absoluta, denominada 'Championship', terá lugar no campo Manolo Barreiro da Xunqueira e no de Monte Porreiro, mentres que a competición Development, para seleccións en desenvolvemento, celebrarase no campo da Seca, en Poio.
Relacionadas:
-
Galicia triunfa no Europeo de Fútbol Gaélico celebrado en Pontevedra e Poio
Por Redacción |
-
Intensa xornada inaugural do Europeo de Fútbol Gaélico en Pontevedra e Poio
Por Redacción & Mónica Patxot |
-
400 deportistas chegan a Pontevedra para participar no Europeo de fútbol gaélico
Por Diego Espiño |
-
Galicia, a por todas no Campionato de Europa de Fútbol Gaélico que se xogará en Pontevedra
Por Redacción |
-
Pontevedra e Poio acollerán o Europeo de fútbol gaélico no mes de xullo
Por Redacción |