A preparación de Bea Gómez ata Río 2016 estará patrocinada polo Concello de Pontevedra
Por Alejandro Espiño
A preparación olímpica da nadadora Beatriz Gómez Cortés estará patrocinada polo Concello de Pontevedra. A deportista pontevedresa, que malia ter a posibilidade de irse a adestrar fóra da cidade quedouse finalmente na estrutura do Club Natación Galaico, asinará un contrato de patrocinio publicitario co concello capitalino. Serán 14.520 euros anuais ata 2016.
O acordo, que se estenderá pois durante tres anos, enmárcase nun programa de promoción a deportistas de élite que compitan nas Olimpíadas, segundo sinalou este luns Raimundo González, portavoz do goberno municipal. Trátase dunha liña de axudas para aqueles que residen ou adestran en Pontevedra e que non contan con patrocinadores específicos, como é o caso de David Cal ou Javier Gómez Noya.
ÿ o mesmo contrato de patrocinio publicitario que se asinou no seu día co nadador paralímpico Pablo Cimadevila, o único antecedente que existía ata a data. Non se descarta que se poidan asinar acordos similares con outros deportistas con proxección olímpica.
Relacionadas:
-
Concello e Bea Gómez asinan o convenio de patrocinio da nadadora
Por Diego Espiño |
-
Bea Gómez, Iria García e Paula Goyanes representarán o Galaico no Nacional de Inverno
Por Redacción |
-
O Galaico presenta as súas armas ante unha tempada ilusionante
Por Diego Espiño |
-
Bea Gómez, María Vilas e Manuel Dávila estrean o grupo de alto rendemento en natación do CGTD
Por Diego Espiño |
-
Bea Gómez: "Quedarme era la segunda opción pero también era buena"
Por Diego Espiño |