Siareirxs Granates convoca unha xornada de "granatismo e unión" para despedir a tempada
Por Diego Espiño
Foi unha tempada feliz no deportivo, co ascenso a Primeira RFEF do Pontevedra Club de Fútbol e unha unión entre afección e xogadores que case non se lembraba, por iso Siareixs Granates convoca unha xornada festiva de "granatismo e unión" para despedir o curso ao grande.
O colectivo de seguidores do Pontevedra anunciou unha serie de actividades que se desenvolverán o vindeiro sábado 4 de xuño, e ás que animan a participar a todo o que o desexe.
Entre os puntos destacados da xornada aparece ás 10.00 horas da mañá un torneo de fútbol que se disputará no pavillón de Tenorio, con equipos de 5 xogadores e premios para os gañadores.
Despois a actividade trasladarase ata Ponte Muíños, ao Tronko Bar, onde ás 15.00 horas terá lugar unha churrascada popular cun prezo de 8 euros, ademais dun torneo de futbolín a partir das 18.00 horas.
Siareixs avanza tamén que se producirá "algunha sorpresa máis". Unha gran forma de pechar unha tempada que quedará no recordo polo festexado ascenso do equipo.
FESTA FIN DE TEMPADA!
— Siareirxs Granates (@siareirxspcf) May 27, 2022
Para rematar esta gran tempada,o sábado día 4 únete a nós nunha gran xornada de granatismo e festa.
Contacta a través do noso número de whatsapp ou nas nosas redes sociais para inscribirte nos torneos e na churrascada. Acude e difunde! pic.twitter.com/PapyoqWheC
Relacionadas:
-
Charles recibe o trofeo O Granate do podcast de aficionados Fondo Norte
Por Redacción |
-
FOTOS: Así se viviu en Palencia o ascenso do Pontevedra Cf
Por Redacción |
-
A Praza do Teucro, epicentro dunha celebración polo ascenso que se prolongou durante horas
Por Diego Espiño & Cristina Saiz |
-
FOTOS.- Búscate nas imaxes do ascenso do Pontevedra a Primeira RFEF vivido en Pasarón
Por Cristina Saiz |
-
VÍDEO.- Así festexaron o plantel e a afección do Pontevedra o ascenso a Primeira RFEF no céspede de Pasarón
Por Diego Espiño |