O Campionato de España de Traineriñas aterra en Bueu
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A emoción dun dos maiores eventos do remo nacional, o Campionato de España de Traineriñas, chega esta fin de semana a Bueu na que será a súa LXXV edición.
Clubs de Galicia, Asturias, País Vasco e Cantabria daranse cita nunha competición que contará o sábado 28 de maio coas quendas eliminatorias a partir das 18.00 horas e coas finais o domingo ás 10.30 horas coa sección B e ás 12.00 coas probas A.
"Dende o Concello apostamos sempre polo deporte de base e de alta competición, e consideramos que estes eventos proxectan o nome de Bueu", sinalou na presentación do campionato o alcalde, Félix Juncal, encomiando ademais o traballo realizado nos últimos anos polo Club do Mar de Bueu.
O percorrido da proba será de 3.500 metros desde o peirao de Bueu cara á praia de Portomaior.
Está prevista a participación das seguintes traineriñas:
- Categoría xuvenil feminina: C.R. Valle de Camargo (Cantabria), S.D.R. Kaiku (País Vasco), Isuntza A.E. (País Vasco), C.R. Náutico de Riveira (Galicia), C.C.D. Cesantes (Galicia).
- Absoluta feminina: C.R Chapela, C.R Ares, C.R. Cabo de Cruz, C.R. Rianxo, S.D. Tirán, C.R. Mecos, C.R. Puebla y C.C.D. Cesantes, con pleno de equipos de Galicia.
- Xuvenil masculina: A.D Castreña (Cantabria), Itsasoko Ama (País Vasco), Ondarroa A.E. (País Vasco), S.D.R Kaiku (País Vasco), C.R. Cabo de Cruz (Galicia), S.D. Samertolameu (Galicia), C.R. Puebla (Galicia), C.R. Chapela (Galicia).
- Absoluta masculina: C.M Castropol (Asturias), C.R. Cabo de Cruz (Galicia), S.D Samertolameu (Galicia), Club do Mar Bueu (Galicia), C.R. Ares (Galicia), C.R Robaleira (Galicia), C.R Rianxo (Galicia) y C.R Mecos (Galicia).