A Gimnástica achégase á permanencia en División de Honra masculina cun segundo posto en Barcelona
Por Diego Espiño
A Sociedad Gimnástica de Pontevedra ten na súa man seguir un ano máis na máxima categoría nacional co seu equipo masculino, tras a súa gran actuación da fin de semana na segunda jronada de liga que lle levou ata Barcelona.
O conxunto pontevedrés foi segundo (170 puntos) nun encontro no que se impuxo o Playas de Castellón (214 puntos) pero no que superou o Tenerife CajaCanarias (160 puntos) e o AA Catalunya (134).
Este resultado, unido á da primeira xornada, aboca aos pontevedreses á final pola permanencia que terá lugar o 11 de xuño ao estar clasificados no décimo posto dos 16 equipos participantes, pero faio con 5 puntos, que a punto estiveron de meterlle na final polo título, cun importante colchón sobre os postos de perigo e tendo por tanto ao alcance conseguir o seu obxectivo un ano máis.
En Barcelona a Gimnástica sumou tres triunfos parciais por medio de Iñaki Canal (400 metros), de Hassan Izzeddine (800 metros) e da remuda 4x100 composta por Javier Jiménez, Oriol Madi, Jordi Fossas e Sergio Rodríguez.
Tamén subiron ao podio en segundo lugar Oriol Madi nos 200 metros, Carlos Revolta en martelo, Daniel Chamosa nos 5.000 marcha e a remuda 4x400, mentres que foron terceiros nas súas probas Francisco Lopez en 110 valos, Roberto Tello en 400 valos, Anxo Blanco en lonxitude e triplo salto e Manuel Anxo Simón en disco.
O EQUIPO FEMININO, EN PROBLEMAS EN PRIMEIRA DIVISIÓN
Peor lle foron as cousas ao equipo feminino da Sociedad Gimnástica na segunda xornada de Primeira División, castigado por baixas importantes no seu plantel de atletas.
As pontevedresas foron cuartas en Lleida sumando 150 puntos e sendo superadas polo Aldahra Lleida (156 puntos), o UCAM-Cartagena (171 puntos) e o Piélagos (208 puntos).
Desta forma a Gimnástica accede á xornada final no posto 13 dos 16 equipos participantes, debendo centrarse en salvar a categoría e lonxe do seu obxectivo inicial de pelexar polos primeiros postos.
Relacionadas:
-
Obxectivo cumprido para os equipos da Gimnástica, que selan a permanencia en División de Honra e Primeira División
Por Almu Dapena |
-
Madrid e Monzón, sedes das finais pola permanencia para os equipos da Gimnástica
Por Redacción |
-
Dobrete de bronce para a Gimnástica na primeira xornada de liga
Por Cristina Saiz & Almu Dapena |
-
Os irmáns Chamosa derruban en Eslovaquia as portas do Europeo e o Mundial de marcha
Por Redacción |
-
A Gimnástica asina o primeiro doblete da súa historia no autonómico por equipos
Por Redacción |
-
O CGTD será sede da primeira xornada de liga na Primeira División Feminina de atletismo
Por Redacción |