Unha competición de skate para animar o Sábado Santo en Portonovo
Por Redacción
Foi unha das modalidades deportivas que maior impactou causou nos últimos Xogos Olímpicos, e non parou de gañar adeptos.
No medio desa onda, a pista de skate park de Baltar, en Portonovo, acollerá o vindeiro sábado 16 de abril o primeiro campionato deste deporte urbano que se celebrará no municipio.
Trátase dun evento que conta con máis de 60 rexistrados en catro modalidades: Skate Sub, Scooter Open, Skate Open e Skate Pro.
Dous mozos de Sanxenxo como Nicolás López e Iván Ortigueira están detrás da organización dunha competición que aspira a consolidarse no calendario deportivo local.
A cita dará comezo ás 10.00 horas e prolongarase ata as 21.00 horas, contando con premios en metálico, bonos desconto e 18 trofeos entre os mellores de cada categoría. Todo nunhas instalacións de Baltar que, aseguran, son "únicas en Galicia".