O TM Monte Porreiro empata en Burgos e mantén intactas as súas opcións de meterse en Europa (3-3)
Por Redacción
O Tenis de Mesa Monte Porreiro aínda ten opcións de meterse na pelexa por unha praza directa para competir en Europa a tempada que vén despois de empatar ante o Burgos deste sábado no partido de ida pola quinta praza (3-3).
Os pontevedreses, dirixidos por Nando Álvarez, acudiron á cita escasos de efectivos e cun lesionado Miguel Ángel Vílchez que nada puido facer.
Aínda así, Martin Bentancor e Nico Galvano competiron como saben para rascar un empate e deixar todo por decidir no partido de volta que se xogará en Pontevedra o vindeiro domingo 10 de abril ás 11:00 horas no Pavillón Príncipe Felipe.
Co obxectivo de sacar un bo resultado saltaron os xogadores do Monte Porreiro á cancha, sabedores do complicado que sería pero da importancia que tiña non perder.
De feito, foi un partido do todo igualado que se reflectiu no marcador final pero que deixa todas as opcións abertas para que burgaleses e pontevedreses saquen billete para a competición continental.
Consulta as estatísticas do Burgos- TM Monte Porreiro
Relacionadas:
-
Un set deixa o TM Monte Porreiro fóra de Europa (3-3)
Por Almu Dapena & Cristina Saiz |
-
O TM Monte Porreiro, a por un billete europeo diante da súa afección
Por Almu Dapena |
-
O TM Monte Porreiro renuncia ao soño europeo da Trophy Cup: "É unha decisión moi dura"
Por Diego Espiño |
-
O TM Monte Porreiro despídese do play-off polo título tras caer co Hortitec Alzira TT (4-2)
Por Almu Dapena |
-
O TM Monte Porreiro despídese da Copa do Rei en cuartos de final
Por Diego Espiño |
-
Resultados dispares para o TM Monte Porreiro no play-off polo título masculino e de ascenso feminino
Por Redacción & Cristina Saiz |