Un set deixa o TM Monte Porreiro fóra de Europa (3-3)
Por Almu Dapena & Cristina Saiz
Empate con sabor amargo para o Tenis de Mesa Monte Porreiro o conseguido este domingo ante o Universidade de Burgos no Príncipe Felipe. O cadro pontevedrés, que buscaba un pase para competir en Europa a tempada que vén, quedou fóra por só un set despois de disputar un partido de auténtico infarto.
Os pontevedres chegaron á cita minguados polas ausencias do lesionado Miguel Ángel Vílchez e do ruso Ilia Isakov, pero aínda así pelexaron con todas as ilusións postas en conseguir unha vitoria que lles dese o billete para competir en Europa.
Partiron cun parcial de 0-2 en contra pola ausencia de Vílchez, pero entre Martín Bentancor e Nico Galvano puxéronse ao choio para amarrarse á esperanza de gañar e xogarse todo en último duelo (2-3).
Foi aí cando todo decidiuse. Bentancor non podía ceder nin un só set ante Daniel Berzosa, pero os nervios e a necesidade de gañar condenaron ao xogador do Monte Porreiro, que perdeu no segundo por 11-6. Gañou os tres restantes, iso si, pero foron insuficientes para que o cadro pontevedrés lograse o pase a Europa.
Finalmente, 3-3 no resultado xeral e 10-11 nos xogos, que dan a vitoria a un Burgos que, a diferenza do Monte Porreiro, si xogará a competición continental.
A pesar deste resultado, desde o Tenis de Mesa Monte Porreiro están "moi orgullosos" polo traballo realizado por todo o equipo.
Consulta a acta do TM Monte Porreiro - Universidade de Burgos
Relacionadas:
-
Judith Cobas roza o triunfo no Spain Masters de tenis de mesa
Por Redacción |
-
O TM Monte Porreiro, a por un billete europeo diante da súa afección
Por Almu Dapena |
-
O TM Monte Porreiro empata en Burgos e mantén intactas as súas opcións de meterse en Europa (3-3)
Por Redacción |
-
O TM Monte Porreiro renuncia ao soño europeo da Trophy Cup: "É unha decisión moi dura"
Por Diego Espiño |