O partido ante o Palencia Cristo Atlético, declarado polo Arosa como "Día de homenaxe ao socio"
Por Redacción
Ata o final de liga case cada partido será unha final para o Arosa na súa pelexa por lograr a permanencia na Segunda RFEF, sobre todo ante a tremenda igualdade na categoría.
Os arlequinados, que encadea catro xornadas sen gañar, caeron aos postos de descenso con 30 puntos, pero están a tiro de pedra dos equipos que lle preceden. Un deles, oitavo con 33 puntos, é un Palencia Cristo Atlético que o vindeiro sábado 19 de marzo (19.00 horas) visita o Estadio Municipal da Lomba.
Por iso, buscando un maior apoio nas granadas, a directiva arosista decidiu declarar o choque como "Día de homenaxe aos socios e socias".
Esa medida supoñerá a posibilidade de que os abonados retiren de balde unha invitación para un acompañante, entradas dispoñibles desde leste mesmo mércores nas oficinas do club.
Segundo anuncia o Arosa, durante o encontro como incentivo sortearanse entre os asistentes dúas noites de estancia para dúas persoas no Hotel Castelao e tamén dúas entradas para o partido de Primeira División entre Celta e Betis deste domingo día 20.