O II Trofeo Rías Baixas reunirá en Pontevedra aos mellores tiradores nacionais en categoría junior
Por Diego Espiño
O Pavillón Municipal dos Deportes de Pontevedra acollerá o vindeiro sábado, 9 de novembro, a segunda edición do Trofeo Rías Baixas de esgrima.
A cita, na especialidade de sabre e categoría M-20, reunirá na cidade de Lérez aos mellores tiradores nacionais en idade junior, ao tratase dunha das dúas probas clasificatorias para o campionato de España, xunto á de Madrid.
Por ese motivo a organización, a cargo da Escola Hungaresa, espera a presenza de máis de 100 deportistas para participar na competición individual e por equipos.
En canto á participación local, o club pontevedrés comparecerá con oito deportistas en categoría masculina e cinco en feminina, entre os que destaca Natalia Fernández, que comezou a tempada colgándose un bronce en Barcelona.
O Trofeo comezará ás 9:00 horas da mañá, con entrada gratuíta, e desenvolverase durante boa parte do día, coas finais individuais fixadas ás 13:00 horas e as de equipos ás 18:00.