Derrubando tabús coa natación artística masculina
Por Redacción
Durante anos a natación artística foi terreo case exclusivo para nenas e mulleres, pero iso aos poucos foi cambiando para permitir gozar deste bonito deporte a todo o mundo, independentemente do seu xénero.
Os tabús van caendo aos poucos e no Galaico Sincro traballan para que así sexa, tanto é así que un dos seus nadadores foi convidado a participar nas Xornadas Técnicas Masculinas da Real Federación Española de Natación, que se organizarán os días 11, 12 e 13 de decembro.
Trátase dunhas xornadas de adestramento destinadas a nadadores masculinos nados entre o ano 2006 e 2013.
O representante pontevedrés nestas sesións será Iván González, deportista de só 10 anos de idade que comezou a súa andaina na natación artística o curso pasado, sinalan desde o seu club, tras anos practicando natación na piscina de Rías do Sur.
Despois de meses de adestramento e preparación, a nova promesa pontevedresa someteuse a controis de nivel e figuras que superou satisfactoriamente.
A recompensa ao seu traballo será poder gozar desta oportunidade xunto ás súas adestradoras, Mª Jesús Refojo e Victoria Bogma.
Relacionadas:
-
Iván González, o diamante en bruto da natación artística galega que se forma en Pontemuíños
Por Manu Otero & Mónica Patxot |
-
RADIO.- O Galaico Sincro confía en volver a Ponte Muíños a próxima tempada
Por Marisa Ciordia |
-
Recepción provincial a deportistas do Club Galaico Sincro
Por Redacción |
-
A dobre campioa olímpica rusa Vlada Chigireva, de clinic en Pontevedra
Por Redacción |
-
A pontevedresa Daniela Suárez, co equipo nacional infantil de natación artística
Por Redacción |
-
Experiencia rusa para o Galaico Sincro
Por Redacción |
-
Daniela Suárez consegue para o Galaico Sincro unha medalla de prata no Campionato de España de Natación Artística
Por Redacción |