Volve o waterpolo coa celebración da Supercopa Galega
Por Diego Espiño
Despois duns meses de merecido descanso volve a competición ao waterpolo galego e en particular ao Club Waterpolo Galaico Pontevedra, actual campión autonómico de liga e copa.
Os pontevedreses exercerán de anfitrions o próximo sábado, día 19 de outubro, na terceira edición da Supercopa Galega, que contará cos mesmos protagonistas que nas anteriores, o propio Galaico e o CW Santiago.
A piscina do Centro Galego de Tecnificación será o escenario do choque (17:00 horas), con entrada de balde, para decidir o primeiro título da tempada e como antesala do inicio ligueiro, previsto para a próxima semana.
Tras protagonizar unha tempada histórica o pasado curso, o Waterpolo Galaico intentará manterse no alto, un reto que asume a presidenta da sección Francisca de Dios: "espero que sea el primer paso hacia una gran temporada".
A xornada deportiva completarase cunha charla arbitral pola mañá dirixida a adestradores e xogadores e dous encontros amigables tras a Supercopa Galega entre os equipos das categorías inferiores do club pontevedrés.
CELEBRACIÿN DUN CAMPIONATO DE ESPAÿA
Na presentación do partido o concelleiro de Deportes de Pontevedra, Agustín Fernández, asegurou que empezan a ter unha débeda co waterpolo, polo que "debemos ir pensando en intentar traer algún campeonato de España a Pontevedra".