O Supermercados Froiz queda co mel nos beizos na xornada da Copa de España celebrada en Vigo
Por Redacción
A Copa de España Elite e Sub-23 de ciclismo retomou o seu traxecto esta fin de semana en Vigo. O Grupo Deportivo Supermercados Froiz realizou unha moi boa actuación nos 180 quilómetros percorridos, pero o sprint final deixou ao equipo co mel nos beizos.
A dureza do terreo marcou toda a carreira, cunha escuadra alimenticia que tivo en Dani Jiménez, Nicolás Antorena e Pablo Alonso ás súas mellores bazas, logrando escaparse na fuga de sete corredores a dous minutos do pelotón.
A fuga máis perigosa marcouna Pablo Alonso, e os ciclistas do Caja Rural apertaron o acelerador para darlles caza. Así, no quilómetro 95, un grupo de 40 corredores disputou o tramo final.
Ramón Fernández ía nese pelotón, atacando a falta dun quilómetro e rozando a vitoria. Con todo, a falta de 50 para alcanzar a meta, o deportista do Froiz foi cazado polo grupo perseguidor e finalizou no posto 16.
Consulta a clasificación da Copa Vigo na seguinte ligazón
Relacionadas:
-
Dobre cita para o Froiz, que buscará o triunfo en Estremadura e nas montañas vascas
Por Redacción |
-
O Froiz dispara ao pau no Trofeo Guerrita cun Pablo Alonso que colle o liderado elite da Copa de España
Por Redacción |
-
O Froiz celebra o Día das Letras Galegas cun dobrete no campionato autonómico
Por Redacción |
-
Xornada de Copa de España na 'casa' para o Supermercados Froiz
Por Redacción |
-
Bo traballo do Supermercados Froiz na Santikutz Klasika da Copa España
Por Redacción |
-
Supermercados Froiz e Farto mostran boa imaxe na Copa España pero regresan sen premio
Por Redacción |