Cuarto posto na Copa de Europa de Lanzamentos para Diego Casas, atleta da Gimnástica
Por Redacción
Boa fin de semana para a Sociedad Gimnástica, con varios resultados destacados empezando pola participación do seu lanzador Diego Casas na Copa de Europa de Lanzamentos que se disputou en Split, Croacia.
O atleta valisoletano asinou un gran cuarto posto batendo ademais a súa mellor marca persoal, o que fixo no seu segundo intento cunha marca de 57.40 metros que lle deixou a 31 centímetros do bronce.
O rexistro supón ademais récord do club pontevedrés, e tamén de Castela-León en categoría sub-23. A pesar diso Casas recoñeceu tras a proba que "ha sido un poco agridulce".
"Contento por la marca personal y por las sensaciones, aunque han faltado unos centímetros para el tercer puesto. Pero bueno aún queda mucha temporada y sabemos que podemos mejorar las marcas", sinalou en declaracións recollidas pola Real Federación Española de Atletismo tras o seu debut como internacional.
A súa próxima internacionalidade será o Campionato de Europa Sub-23, do 8 ao 11 de xuño en Bergen, Noruega.
@Atleta99Casas, º en #Split21
— atletismoRFEA (@atletismoRFEA) May 8, 2021
"Muy contento con mi debut en un internacional. Contento por la marca personal, aunque han faltado unos centímetros para el tercer puesto, pero aún podemos mejorar las marcas"
¡No tenemos ninguna duda!#EspañaAtletismo #PasiónPorCompetir pic.twitter.com/koCJv3dtSp
ANTÍA E DANIEL CHAMOSA, CAMPIÓNS GALEGOS DE MARCHA
Outro dos puntos de atención da Gimnástica estivo na Pobra do Caramiñal, lugar no que se celebrou o Campionato Galego de Marcha en Ruta.
Daniel Chamosa, en categoría masculina e Antía Chamosa, na feminina, gañaron na proba absoluta de 10 quilómetros, logrando Antía ademais bater o récord autonómico sub-23 cun tempo de 46:49, que demostra o seu bo momento de forma antes de afrontar un reto como a Copa de Europa que terá lugar o 16 de maio en Podebrady (República Checa). Pola súa banda Daniel impúxose cunha marca de 42:34.
Ademais dos irmáns Roi Surribas conseguiu un segundo posto en categoría sub-20 e Anxo Jamardo quedou ás portas do podio en sub-14.
Relacionadas:
-
Tripla ración de campionatos galegos de atletismo no CGTD
Por Redacción |
-
O equipo masculino da Gimnástica, rei das probas combinadas en Galicia
Por Redacción |
-
Soria e Vigo, sede dos segundos encontros de liga para a Gimnástica
Por Redacción |
-
O atletismo pontevedrés ponse en forma no XLVII Trofeo Boa Vila
Por Redacción & Mónica Patxot |
-
Segundo e terceiro posto para a Gimnástica na primeira xornada ligueira
Por Redacción |
-
Antía Chamosa e Diego Casas logran o billete para o europeo sub23 de Noruega
Por Redacción |