Volta á actividade para o Pontevedra Rugby Club tras dúas semanas de confinamento
Por Diego Espiño
A División de Honra B Feminina retómase para o Pontevedra Rugby Club (PRC) superado o episodio de covid que obrigou a confinar case dúas semanas o plantel.
O conxunto pontevedrés tivo que illarse tras ter coñecemento dun positivo un día nun dos seus rivais, o G.E. i E.G. de Xirona, o día despois de enfrontarse, o que ocasionou á súa vez o aprazamento da súa seguinte xornada de liga contra o San Cugat.
Os test realizados a xogadoras e corpo técnico descartaron contaxios, e aínda que se detectou posteriormente un positivo dunha xogadora, ao non ter contacto coas súas compañeiras o equipo pode volver esta semana á normalidade da competición.
Faino en todo caso no exilio, e é que o campo de Monte Porreiro segue sen ser homologado, polo que o PRC volverá á acción este domingo 7 de febreiro (12.30 horas) no campo das Lagoas, en Ourense, recibindo o XV Hortaleza RC.
"Cada día estamos mellor", recoñecen desde a entidade pontevedresa, que tentará conseguir os seus primeiros puntos da tempada.
En canto ao choque aprazado no campo do San Cugat catalán, fixouse finalmente para o domingo 14 de febreiro.
Relacionadas:
-
A permanencia do Pontevedra Rugby Club na División de Honra B Feminina, todo a unha carta
Por Redacción |
-
Duro castigo para o Pontevedra Rugby Club en Sant Cugat no seu cuarto partido na División de Honra B
Por Redacción |
-
Nova derrota do Pontevedra Rugby Club, que progresa na súa adaptación á División de Honra B
Por Redacción |
-
As xogadoras do Pontevedra Rugby Club, en corentena por un positivo por Covid no seu último rival
Por Diego Espiño |
-
Melloría do Pontevedra Rugby Club pero nova derrota na súa segunda xornada na División de Honra B
Por Redacción |
-
Dura derrota do Pontevedra Rugby na súa estrea na División de Honra B Feminina (0-94)
Por Redacción |