César Armán, última 'fichaxe' do Teucro ante o inicio da liga
Por Diego Espiño
Lesionouse na segunda xornada de liga da pasada tempada, dende entón case non puido gozar de minutos ata que meses máis tarde pasou polo quirófano, sendo baixa ata o final da competición.
César Armán pasou por un calvario particular pero xa ve a luz ao final do túnel, e é que o extremo teucrista realizou a pretempada co resto dos seus compañeiros e xa se pode considerar como a última fichaxe para o equipo que adestra Javier Barrios.
César Armán: "estamos muy bien físicamente y tenemos buenas sensaciones, para este partido y para la temporada"
A só uns días de que arranque oficialmente a División de Honra Prata coa visita do Pozoblanco ao Municipal (Sábado 20:00 horas), Armán desborda optimismo, polo seu estado e polo do equipo: "estamos muy bien físicamente y tenemos buenas sensaciones, para este partido y para la temporada".
O extremo asegura non estar aínda ao cen por cento pero si en disposición de axudar ao grupo se Barrios o considera oportuno: "empecé la pretemporada un punto por debajo de los demás pero ahora ya estoy entrando poco a poco, tengo aún algún dolor pero las sensaciones son bastante buenas".
A pretempada do equipo, con triunfos ante rivais da súa liga como Chapela (26-25) e Octavio (28-26), elevou a moral do plantel ante a posibilidade de realizar unha boa tempada, aínda que o obxectivo segundo Armán será de novo asegurar a permanencia o antes posible: "el año pasado en pretemporada las sensaciones fueron completamente distintas, perdimos contra equipos de Nacional y este año ganamos a equipos de nuestra categoría jugando bien, como un equipo, ése es uno de nuestros puntos fuertes, jugamos como un equipo y somos un equipo".