O Teucro cae ante o Cangas na final da Copa Galicia (28-21)
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Balonmán Cangas foi demasido rival para o Teucro na final da Copa Galicia disputada na Cañiza (28-21).
Os azuis non puideron repetir a vitoria de semifinais ante o Octavio e caeron ante o único equipo galego de Asobal nun partido con dúas partes moi diferenciadas.
Na primeira o conxunto adestrado por Javier Barrios deu guerra aos cangueses e a pesar de ir por destrás no marcador non se descolgou no electrónico cun 15-13 ao descanso.
Xa na segunda metade o ritmo dos de Pillo foi superior ante un Teucro que pagou o esforzo do sábado.
O equipo pontevedrés pecha así unha pretempada na que deixou moi boas sensacións, con triunfos ante rivais da súa propia liga como o citado Octavio ou o Chapela.
O próximo sábado o Pavillón Municipal estreará tempada ligueira recibindo o Pozoblanco.
BM CANGAS (28): Santiago Gallego, Serafín Pousada (2), Iván Amarelle (3), Rubén Soliño (6), Suso Soliño (2), Felix Peter Schmidl , Fernando Eijo (1), Mile MijuškoviĿ (1), Eloy Krook Castaño (1), Daniel Cerqueira (2), Adrián Rosales (4), Adrián Pumar (1), Ángel Iglesias (1), Alen MuratoviĿ (1), David García (3).
SD TEUCRO (21): Juan Bar, Marcos Dorado (1), Carlos Pombo (2), David García (5), Alejandro Pombo (5), David Chapela, Miguel Porto, Tomás Moreira (1), Víctor Rodríguez (2), Daniel Pereira, Iván Fernández, César Armán (1), Carlos García (1), Borja Fernández (3), Miguel Sio.
Marcador cada cinco minutos: 4-2, 6-5, 8-7, 10-8, 13-12, 15-13 (descanso), 17-13, 19-15, 20-15, 23-17, 27-18 e 28-21 (final).