Xornada positiva para os padexeiros galegos no Mundial de piragüismo de Duisburgo
Por Diego Espiño
O pontevedrés Adrián Sieiro e o seu compañeiro no C-2 200, o cesureño André Oliveira, clasificáronse para a semifinal da súa categoría no Campionato do Mundo de Piragüismo que se celebra ata o domingo na localidade alemá de Duisburgo.
Sieiro e Oliveira finalizaron en cuarto lugar na súa serie e loitarán este sábado por entrar na final mundialista do domingo.
Na mesma situación está Teresa Portela no K-1 200, despois de finalizar en terceiro lugar na súa manga clasificatoria.
CARLOS PÿREZ, ÿSCAR CARRERA E RODRIGO GERMADE, FINALISTAS
O piragüismo galego colocou tres padexeiros nunha final mundialista, despois da brillante actuación de Carlos Pérez 'Perucho', ÿscar Carrera e Rodrigo Germade.
Perucho, xunto ao palentino Diego Cosgaya, finalizou en terceiro lugar na súa semifinal do K-2 500, logrando o pase á manga final.
Tamén pelexarán polas medallas o cangués Rodrigo Germade e o tudense ÿscar Carrera dentro dun equipo de K-4 1.000 metros que se clasificou con relativa comodidade.
Peor sorte correu a lucense Tania Fernández no K-4 500 feminino, que terá que conformarse coa final B.
Relacionadas:
-
Teresa Portela acaricia a medalla en Duisburgo ao quedar cuarta en K-1 200 metros
Por Redacción |
-
Teresa Portela e Tono Campos clasifícanse para as finais do Mundial de Piragüismo de Duisburgo
Por Redacción |
-
Tono Campos e Diego Romero quedan fóra da final de C-2 1.000 no Mundial de Duisburgo
Por Redacción |
-
Teresa Portela, Adrián Sieiro, Raquel Rodríguez, Tono Campos e Diego Romero, rumbo a Duisburgo para o Mundial de piragüismo
Por Redacción |