Teresa Portela, Adrián Sieiro, Raquel Rodríguez, Tono Campos e Diego Romero, rumbo a Duisburgo para o Mundial de piragüismo
Por Redacción
Chegou a hora da verdade. Trece padexeiros galegos iniciarán este mércores a súa participación no Mundial de piragüismo de Duisburgo (Alemaña). Son case a metade do equipo español, composto por 29 deportistas. Moitos deles centraron toda a súa preparación anual para esta cita, polo que se xogan moito nestes campionatos. A competición desenvolverase en augas alemás ata o vindeiro domingo.
ÿ unha das citas máis importantes da tempada e así o entenderon os nosos deportistas. Varios deles teñen como desafío o poder estar nas finais. Outros competirán en varias modalidades. E ata hai favoritos para conseguir algunha medalla, como Teresa Portela, Carlos Pérez Rial, 'Perucho', Tono Campos e Diego Romero ou José Luís Bouza.
Teresa Portela, que se proclamou esta tempada subcampioa de Europa en K-1 200 metros, é unha das abanderadas do equipo español. Ela mesma recoñeceu que un dos seus grandes obxectivos colocábase na cita alemá. Para iso adestrouse intensamente. Os prognósticos sitúana como unha das grandes aspirantes a estar no podio.
Carlos Pérez Rial, 'Perucho', é outro dos que ten como obxectivo o poder conseguir situarse entre os tres primeiros nas distintas probas nas que participa. Competirá en tres: K-1 200 metros, K-1 1.000 metros e K-2 1.000 metros con Diego Cosgaya.
Tono Campos tamén terá varias apostas. En C-2 1.000 metros estará acompañado por Diego Romero. Tamén estará presente en C-1 5.000 metros. José Luís Bouza, que acudirá por sexta vez a un Mundial, logrou a súa praza para o C-1 1.000 metros no recente control selectivo celebrado en Pontevedra. ÿ o seu gran desafío para a actual campaña.
Da representación pontevedresa, hai que destacar a presenza de Adrián Sieiro, do Club Piragüismo Poio. Competirá en dúas probas, nas categorías de C-2 200, xunto ao cesureño André Oliveira, e no C-1 200 por relevos. O seu obxectivo, como asegurou recentemente tras unha recepción no Concello de Pontevedra, é poder clasificarse para as finais. Ambos foron sextos no último Campionato de Europa.
Ademais, Raquel Rodriguez, do Escola de Piragüismo Cidade de Pontevedra, tamén formará parte do combinado español. Viaxará a Duisburgo para competir na categoría de C-2 500 metros.
A ampla representación galega complétase con outros padexeiros que se converteron nunha referencia a nivel nacional e internacional, como Carlos Arévalo, Cristian Toro, ÿscar Carrera, Rodrigo Germade e Tania Fernández. O Mundial é, para eles, a última competición importante da tempada e esixiralles un esforzo extraordinario. Ademais dos rivais, as probas de clasificación tamén suporán un exame para todos eles.
Relacionadas:
-
Teresa Portela acaricia a medalla en Duisburgo ao quedar cuarta en K-1 200 metros
Por Redacción |
-
Teresa Portela e Tono Campos clasifícanse para as finais do Mundial de Piragüismo de Duisburgo
Por Redacción |
-
Xornada positiva para os padexeiros galegos no Mundial de piragüismo de Duisburgo
Por Diego Espiño |
-
Tono Campos e Diego Romero quedan fóra da final de C-2 1.000 no Mundial de Duisburgo
Por Redacción |
-
Malestar na Federación pola ausencia de David Cal, Diego Romero e Tono Campos no selectivo para o Mundial
Por Redacción |
-
Adrián Sieiro buscará "entrar en finais" no Mundial de piragüismo de Duisburgo
Por Diego Espiño |