Adrián Sieiro buscará "entrar en finais" no Mundial de piragüismo de Duisburgo
Por Diego Espiño
O canoista pontevedrés do Club Piragüismo Poio Adrián Sieiro foi recibido polo alcalde capitalino, Miguel Anxo Fernández Lores, antes de partir cara ao Campionato do Mundo que se celebrará a final de mes en Duisburgo, Alemaña.
Adrián, de só 20 anos, competirá nos día 31 de agosto e 1 de setembro nas categorías de C-2 200, xunto ao cesureño André Oliveira, e no C-1 200 por relevos, cun obxectivo moi definido: "o obxectivo é entrar nas finais e despois lograr o mellor posto posible".
A parella Sieiro-Oliveira finalizou en sexto lugar no recentemente celebrado Campionato de Europa.
Ante as dificultades de financiamento que se están a encontrar os padexeiros para acudir a citas internacionais, Fernández Lores asegurou que apoiarán o pontevedrés: "a Federación agora só paga aos olímpicos, así que veremos a forma de axudar,".
Adrián Sierio foi admitido ademais no Centro Galego de Tecnificación Deportiva para o próximo curso. Adestrará nas instalacións pontevedresas como externo con praza de deportista de elite.