O 31 de agosto, data elixida polo Arxil para iniciar a pretempada
Por Redacción
A pesar de todas as dúbidas que aínda rodean ao comezo do novo curso deportivo, o Club Baloncesto Arxil empeza a planificar a pretempada do seu equipo de Liga Feminina 2.
O corpo técnico encabezado por Mayte Méndez ten previsto iniciar os adestramentos do primeiro plantel arxilista o próximo 31 de agosto.
A data marcouse tendo en conta que se baralla o 3 outubro como día no que dará comezo a liga.
Será en todo caso unha pretempada atípica tanto para as xogadoras de Liga Feminina 2 como de Primeira Nacional (inicio de liga o 26 de setembro), e que dependerá en gran medida de que se actualicen e aproben protocolos a nivel nacional para regular como poderán ser as sesións de traballo, xa que a día de hoxe en Galicia segue sen permitirse o exercicio con contacto, imprescindible para un equipo de alta competición.
Outra dúbida que asalta ao Arxil céntrase na data de incorporación das xogadoras foráneas, ao temerse que os seus desprazamentos poidan atrasarse facendo posible a súa presenza na volta aos adestramentos.
A decisión que debe tomar o Consello Superior de Deportes coas federacións deportivas e as autoridades autonómicas teñen ademais en albas a competición que sobre a que adoita pivotar a época de preparación, a Copa Galicia, cunha proposta encima da mesa por parte da Federación Galega de Baloncesto á espera de saber se pode finalmente disputarse.
Relacionadas:
-
O Arxil 'traslada' a súa pretempada ao Lago de Castiñeiras
Por Redacción |
-
O Arxil, pendente da Copa Galicia para planificar a parte final da súa pretempada
Por Redacción |
-
Pretempada de catro semanas para o Arxil
Por Redacción & Mónica Patxot |
-
O equipo júnior do Arxil, primeiro en retomar os adestramentos pensando na fase de ascenso
Por Redacción |
-
O Arxil pecha o seu plantel coa chegada da alero Sara Castro
Por Redacción |
-
A renovación de Aldara pecha o plantel do Arxil á falta dunha última fichaxe
Por Redacción |
-
María Lago cumprirá esta tempada unha década defendendo as cores do Arxil
Por Redacción |
-
Violeta Crespo sobe ao primeiro equipo do Arxil
Por Redacción |