O Arxil pecha o seu plantel coa chegada da alero Sara Castro
Por Redacción
O Arxil xa ten pechado o seu plantel para a próxima tempada. A confirmación da fichaxe da alero grancanaria Sara Castro supón o broche de ouro para o equipo que dirixe Mayte Méndez que iniciará o seguinte curso coa máxima ilusión de clasificarse para a fase de ascenso.
Con experiencia na liga universitaria de Estados Unidos, Sara Castro, de 21 anos e 1,73 metros de altura, promedió 2,4 puntos e un rebote por partido coa camiseta da Universidade de Colorado, alí chegou despois de proclamarse campioa de España júnior co Spar Gran Canaria, equipo no que pasou as dúas últimas tempadas. Na pasada campaña foi a sexta xogadora con máis minutos do equipo.
Castro achegará polivalencia ao equipo pontevedrés pola súa capacidade para moverse en calquera das posicións exteriores do quinteto. A dirección deportiva do Arxil destaca o seu bo lanzamento exterior, o seu verticalidad e a dirección de xogo.
"A nivel colectivo penso que o principal obxectivo debe ser o de clasificarnos para disputar a fase final de ascenso e poder pelexar por subir a Primeira División", afirma con ambición unha xogadora que despois de conseguir o ascenso co seu antigo equipo foi incluída na prelista para a disputa do Eurobasket sub-20
Relacionadas:
-
O Arxil, pendente da Copa Galicia para planificar a parte final da súa pretempada
Por Redacción |
-
O Arxil presenta o seu novo arsenal para asaltar o playoff
Por Manu Otero |
-
Pretempada de catro semanas para o Arxil
Por Redacción & Mónica Patxot |
-
O 31 de agosto, data elixida polo Arxil para iniciar a pretempada
Por Redacción |
-
O equipo júnior do Arxil, primeiro en retomar os adestramentos pensando na fase de ascenso
Por Redacción |
-
A renovación de Aldara pecha o plantel do Arxil á falta dunha última fichaxe
Por Redacción |