Ence seguirá a patrocinar ao Pontevedra C.F. durante esta temporada 2013-14
Por Redacción
O presidente do Pontevedra CF SAD, José Manuel Fernández, e o director do Centro de Operacións de Ence en Pontevedra, Antonio Casal, asinaron o acordo que renova a empresa pastera como un dos patrocinadores do club pontevedrés durante 2013.
Ambos os dous dirixentes reuníronse nas instalacións da factoría en Lourizán e asinaron o compromiso polo que Ence Energía e Celulosa achegará 15.000 euros ao club durante a tempada 2013-14. Os xogadores vestirán a nova marca de Ence nos seus uniformes co logo no pantalón a partir do partido que disputarán este domingo o conxunto granate contra o Real Club Deportivo da Coruña no Estadio de Pasarón.
José Manuel Fernández e Antonio Casal aproveitaron a reunión para conversar sobre un segundo convenio de colaboración destinado a apoiar ás bases da entidade granate.