Milo Abelleira volve aos bancos para adestrar o Rápido de Bouzas
Por Redacción
Seis tempadas despois Milo Abelleira volve aos bancos galegos para afrontar un reto complicado, tentar salvar o Rápido de Bouzas do descenso na Terceira División.
O técnico pontevedrés regresa aos bancos sénior despois do seu turbulenta saída do Pontevedra Club de Fútbol, onde primeiro foi adestrador, despois director deportivo e coordinador da base e cuxo despedimento terminou nos tribunais.
Milo asume o papel de primeiro adestrador do club vigués, pechacancelas actual no grupo galego de Terceira División con 9 puntos en 12 xornadas, na tempada da súa volta a esta categoría tras o seu paso pola Segunda B.
A mala situación do Rápido, que acumula catro derrotas consecutivas, levou á súa directiva para apostar por un cambio de rumbo. "Vén con moitísima ilusión ao Rápido, e ten como obxectivo primordial sacar os aurinegros da zona de descenso", sinalou o club presidido por Manolo Seoane.
O técnico, que debutará a próxima fin de semana ante o Estradense, estreouse no cargo no adestramento deste luns, e contará coa axuda de Víctor Rodríguez como o seu segundo.
Esta tempada, ata a data, Milo Abelleira seguía ligado ao fútbol como adestrador do equipo xuvenil da ACD A Seca.
Relacionadas:
-
Desestimado o recurso do Pontevedra na causa contra Milo Abelleira e José Manuel Fernández por estafa
Por Diego Espiño |
-
Arquivada a denuncia do Pontevedra a José Manuel Fernández e Milo Abelleira por estafa
Por Diego Espiño |
-
O TSXG confirma a sentenza que condena o Pontevedra a pagar a Milo Abelleira máis de 135.000 euros
Por Ramiro Espiño |
-
O Pontevedra denuncia a José Manuel Fernández e a Milo Abelleira por estafa
Por Redacción |
-
Sen acordo entre o Pontevedra e Milo Abelleira no segundo dos xuízos polo seu despedimento
Por Diego Espiño |
-
O Pontevedra recoñece o despedimento improcedente de Milo Abelleira e pacta a súa indemnización
Por Diego Espiño |