O taekwondista do Mace Sport, Giovanni Imparato, faise coa prata no Open de Varsovia
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O taekwondista do Mace Sport Giovanni Imparato conseguiu a medalla de prata na categoría júnior do Open de Varsovia no que participou máis dun milleiro de deportistas.
O loitador do equipo pontevedrés venceu en primeira rolda por 26-15 ao representante de Luxemburgo, na segunda, por 26-27 ao inglés; e na terceira a Bielorrusia por 16-11. Con todo, na final non puido repetir triunfo contra o adversario italiano, que o derrotou por 7 a 14.
Desde o Mace Sport destacan o gran resultado, que completa coa súa participación neste evento a súa preparación para o campionato de Europa que celebrará o 4 de outubro.