Pontevedra despide á súa representación nos X Xogos do Eixo Atlántico
Por Redacción
Un total de 103 persoas entre deportistas e adestradores representarán a Pontevedra na décima edición dos Xogos do Eixo Atlántico, que nesta ocasión dispútanse na cidade portuguesa de Guimaraes desde o vindeiro domingo 30 de xuño ata o xoves 4 de xullo.
A expedición pontevedresa, a de maior número xunto á da Coruña, acode á cita organizada para deportistas de 14 a 16 anos para competir en todas as disciplinas: atletismo, atletismo adaptado, baloncesto, fútbol 7, balonmano e voleibol.
Os Xogos do Eixo Atlántico naceron fai xa 20 anos dirixidos ao deporte escolar e con carácter binanual, alternando a súa sede entre municipios galegos e do norte de Portugal.