O Cisne segue dando pasos no seu novo proxecto coa renovación de Pablo Gayoso e Álex Chan
Por Redacción
A planificación deportiva do Club Cisne Balonmán para a próxima tempada, na que volverá competir na División de Honra Prata, colle velocidade de cruceiro.
Tras a confirmación da continuidade de Jabato no banco e a fichaxe de David Chapela, chegou a renovación de Alejandro Conde que agora ten continuación.
Un dos xogadores da casa, Álex Chan, seguirá polo menos un ano máis defendendo a camiseta do primeiro equipo. O central, a pesar dos seus 26 anos, é un dos veteranos do equipo, como demostra que a próxima será a súa undécima tempada no club.
"Debemos darlle continuidade a este proxecto e seguir apostando pola nosa filosofía", sinalou o xogador en declaracións recollidas polo propio Cisne.
Ademais, Jabato seguirá tendo ás súas ordes a Pablo Gayoso. O lateral esquerdo vigués cumprirá así o seu cuarto ano na entidade, á que chegou no seu momento procedente do Academia Octavio.
Nos próximos días espérase que a entidade presidida por Santiago Picallo siga avanzando no obxectivo marcado de lograr a continuidade de gran parte do plantel.
Relacionadas:
-
O Cisne apontoa a súa defensa coa fichaxe de Iván Calvo
Por Manu Otero |
-
Andrés Sánchez, a piques de sumar máis dunha década no Cisne
Por Sofía Lorenzo |
-
O Cisne pecha a fichaxe de Iván Calvo e prepara unha xornada de captación para a súa base
Por Redacción |
-
Javi Vázquez, toda unha vida no Cisne
Por Redacción |
-
Daniel Ramos sela a súa renovación co Cisne
Por Redacción |
-
Alejandro Conde estrea as renovacións no Cisne
Por Redacción |
-
Jabato aposta por "renovar a prácticamente a todo el equipo" do Cisne
Por Diego Espiño |
-
Dobre movemento no Cisne, que renova a Jabato e ficha a David Chapela
Por Diego Espiño |