O número 1 do ranking internacional apea a Iván García do Mundial de taekwondo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Iván García (Mat's de Marín) non puido meterse na pelexa polas medallas do Campionato do Mundo Absoluto de Taekwondo que finalizou este domingo na localidade inglesa de Manchester.
O deportista do Mat' s caeu nos oitavos de final da competición na categoría de -87 quilos, aínda que deixando unha imaxe positiva ante o número 1 do ranking mundial, o ruso Vladislav Larin.
Antes de chegar a ese enfrontamento, Iván conseguira dobregar ao turco Hasan Can Lazoglu, con quen perdera no Open de España, por un apertado marcador de 7-6. Xa en oitavos, o marinense dominou o primeiro asalto e mantívose a só un punto ao termo do segundo, pero terminou cedendo á maior experiencia do ruso (5-15).
A pesar diso "quédome con que aguantei dous asaltos e medio contra un mozo deste nivel, mantendo o tipo e dando a cara. Foi unha gran experiencia e con moitas ganas de seguir sumando e aprendendo", declarou ao final da competición.
Peor lle foi o campionato á moza Arlet Ortiz (Mat's), que se viu eliminada en -57 quilos na primeira rolda, ao ceder nun axustado combate que se decidiu no punto de ouro contra a filipina Pauline Louise López.
O mellor resultado do Campionato do Mundo para o taekwondo pontevedrés logrouno no primeiro día de competición Sara Cortegoso (Mace Sport) tras alcanzar os cuartos de final e quedar a un paso das medallas.
Relacionadas:
-
VÍDEO.- Sergio Troitiño consegue a medalla de ouro no Europeo cadete de taekwondo
Por Diego Espiño |
-
Bos resultados para o Mace Sport nos nacionais sub-21, júnior e cadete de taekwondo
Por Redacción |
-
O Taekanart recibe a máis de 300 deportistas para o Open Cidade do Lérez
Por Sofía Lorenzo |
-
Sara Cortegoso queda a un paso das medallas no Mundial de taekwondo
Por Redacción |
-
Reto mundial para Sara Cortegoso, Arlet Ortiz e Iván García en Manchester
Por Redacción |
-
Sara Cortegoso, Arlet Ortiz e Iván García selan o seu pase ao Mundial de taekwondo
Por Redacción |