O Pontevedra quere recuperar corda nun escenario histórico, o Helmántico de Salamanca
Por Diego Espiño
Non pode volver fallar o Pontevedra Club de Fútbol se non quere verse afastado irremediablemente da pelexa por entrar na fase de ascenso. Necesitan os de Luismi sumar de tres este domingo (17:00 horas) nun escenario histórico, o salmantino Estadio Municipal do Helmántico.
Os granates visitan a un Salamanca CF que "va a ser difícil" avisa o técnico, ao tratarse dun plantel confeccionado para retos máis ambiciosos que o seu actual obxectivo de afastarse do descenso, do que lle separan 4 puntos.
"Es un partido trampa, ves la clasificación y piensas que puede ser un partido fácil y para nada. Han mejorado en juego, en resultados, yo creo que están mejor que como vinieron aquí en la primera vuelta, y se han reforzado", asegura Luismi.
Na rolda de prensa previa ao choque o preparador pontevedrés defendeu que o seu equipo non pensa "en otra cosa que no sea traer los 3 puntos" de Salamanca.
Para iso non poderá contar con Adrián León e Álvaro Bustos, ambos con lesións de carácter muscular, pero si volverán á convocatoria e posiblemente ao once inicial Borja Domínguez e Pedro Vázquez, tras cumprir un encontro de sanción.
O que tamén recupera efectivos é o Salamanca, xa que Antonio Calderón terá dispoñibles a Calero, Molina e Carpio tras superar diversos problemas físicos. Non será así o caso do defensor Toño Vázquez, baixa por lesión, mentres que é seria dúbida Asdrúbal.
O encontro, correspondente á xornada 29 do campionato nacional de liga, será arbitrado polo estremeño Manuel García Gómez.
Relacionadas:
-
Derrota vergoñosa dun Pontevedra sen capacidade de reacción en Salamanca (3-0)
Por Redacción |
-
Luismi bota contas para estar no play-off
Por Diego Espiño |
-
Adrián León estará "de 7 a 15 días" de baixa
Por Diego Espiño |
-
Un gol de Adrián Cruz no 89 deixa sen recompensa ao Pontevedra ante o Burgos (1-1)
Por Diego Espiño & Diego Torrado |