O extremo arxentino do Teucro 'Fafa' Cangiani perderase o que resta de tempada
Por Oskar Viéitez
A Sociedade Deportiva Teucro informou este venres que o extremo arxentino 'Fafa' Cangiani "deberá pasar polo quirófano" polo que se perderá o que resta de tempada da liga Asobal.
Facundo 'Fafa' Cangiani sofre unha lesión de ombreiro, concretamente "unha rotura parcial de espesor completa do supraespinoso e unha rotura do labrum posterosuperior", detallou o Teucro segundo o diagnóstico ofrecido polas probas realizadas nos últimos días.
Cangiani leva arrastrando molestias físicas desde fai varias xornadas.
O xogador arxentino que chegou ao club pontevedrés este pasado verán procedente do MMT Seguros Zamora estaba a ser un xogador importante para Luís Montes tanto en tarefas ofensivas como defensivas. Por tanto, é unha baixa moi sensible para o conxunto azul. Levaba 36 goles en 16 partidos.
"A mala sorte volve cebar co Condes de Albarei Teucro", lamentan desde o club pontevedrés.