"Tres non son multitude" para o Teucro
Por Redacción
A Sociedad Deportiva Teucro é consciente de que se atopa nunha fase decisiva da tempada se quere pelexar pola permanencia na Liga Asobal, e por iso busca todo o apoio posible.
O club pontevedrés quere que o Pavillón Municipal dos Deportes empuxe ao equipo para conseguir unha importante vitoria o vindeiro sábado 23 de febreiro (20:30 horas) ante o Anaitasuna, duodécimo clasificado con 14 puntos polos 9 que acumula o Teucro ocupando a primeira das prazas de descenso.
Con esa idea a directiva azul elaborou a campaña promocional "Tres non son multitude", pola que se habilitarán importantes descontos nas entradas das que se poderán beneficiar os abonados da entidade.
A campaña en cuestión permitirá aos socios e socias retirar ata dúas entradas para o partido por 5 euros (2,50 euros cada unha delas).
Na cita o Teucro buscará o seu segundo triunfo consecutivo na casa para tentar saír, polo menos momentaneamente, das dúas últimas prazas superando ao Cangas se non consegue puntuar en Valladolid.
Relacionadas:
-
Luis Montes pide apoio ante un duelo "clave" porque "cuando el Municipal aprieta los jugadores lo notan"
Por Diego Espiño |
-
Juan Quintas, operado con éxito da súa lesión no ombreiro
Por Diego Espiño |
-
O Teucro salva 'in extremis' unha sanción por falta de pagamento de arbitraxes
Por Diego Espiño |
-
O extremo arxentino do Teucro 'Fafa' Cangiani perderase o que resta de tempada
Por Oskar Viéitez |
-
Ao Teucro fállanlle as forzas no tramo final e cae en Logroño (31-27)
Por Redacción |
-
Lloria obra a milagre e certifica un triunfo máis que merecido do Teucro ante o Guadalajara (30-29)
Por Sofía Lorenzo & Diego Torrado |