O Teucro volve ao traballo mentres segue á caza dun último reforzo
Por Diego Espiño
Acabou o descanso para a Sociedad Deportiva Teucro. Despois de varias semanas de desconexión coincidindo co período do Nadal, os azuis volveron este mércores ao traballo para preparar a segunda volta da competición na liga Asobal, na que buscarán a permanencia.
O primeiro persoal vestiuse de curto nunha sesión celebrada no Pavillón Municipal dos Deportes, e entre eles atopábase xa a recente fichaxe anunciada polo club, o do lateral Vicente Poveda. Non así os arxentinos Moyano e Guillermo Fischer, concentrados coa súa selección nacional.
A directiva teucrista segue, iso si, mirando as opcións que ofrece o mercado para cubrir o oco deixado polas saídas de Dani Hernández e Natan Suárez. Cuberta a posición do primeiro, a prioridade pasa agora polo posto de central, aínda que sen descartar outras opcións. "Nos encajaría un central, pero tampoco descartaría algo más versátil", recoñece Luís Montes.
Clave resultará o aspecto económico e a dificultade de atopar xogadores de nivel en pleno mes de xaneiro, cando "especialmente en España es complicado porque nadie está dispuesto a facilitar salidas que refuercen a un rival directo", sinala o técnico pontevedrés.
DOUS ENCONTROS AMIGABLES DURANTE O MES DE XANEIRO
O Teucro ten agora por diante case un mes de preparación ata o inicio da segunda volta na Liga Asobal, parada pola disputa do Mundial de seleccións, un período no que buscará a mellor posta a punto.
Para iso o corpo técnico ten a intención de disputar dous encontros amigables. O primeiro deles terá lugar a mediados de mes ante un rival aínda por concretar, posiblemente de Primeira Nacional, e o segundo será un test de nivel ante un equipo Asobal como Ademar de León, concretamente o día 26 de xaneiro nun encontro que se celebrará en Lugo.
Relacionadas:
-
Malas noticias para o Teucro: Juan Quintas perde o que resta de tempada
Por Diego Espiño |
-
O Teucro ficha o lateral brasileiro Yano Piovarczik
Por Diego Espiño |
-
O Teucro recupera efectivos coa eliminación de Arxentina no Mundial
Por Redacción |
-
Guillermo Fischer, representación teucrista no Mundial de balonmán
Por Redacción |
-
Vicente Poveda convértese no primeiro reforzo de inverno do Teucro
Por Redacción |
-
O Teucro gaña o Torrelavega pero queda eliminado da Copa (29-27)
Por Diego Espiño & Mónica Patxot |
-
Continuidade para o terceiro proxecto de Carlos García-Alén na presidencia do Teucro
Por Diego Espiño |