Pontevedra Viva!

Máis +
Vicente Poveda, nun partido co VfL Potsdam

© VfL Potsdam

Vicente Poveda convértese no primeiro reforzo de inverno do Teucro

Redacción

Por Redacción

A Sociedad Deportiva Teucro xa ten ao primeiro dos reforzos que buscaba para cubrir as saídas de Dani Hernández e Natan Suárez.

Trátase de Vicente Poveda, lateral esquerdo alacantino de 26 anos que chega a Pontevedra procedente do VfL Potsdam, equipo da Terceira División alemá e filial do Füchse Berlín, onde militou nos últimos meses.

Poveda afrontará así o reto máis esixente da súa carreira, debutando na Liga Asobal tras pasar por equipos como o BM Alarcos de Cidade Real na División de Honra Prata, o San José Obrero de Lanzarote ou o BM Preter, onde se formou.

"É un xogador completo, que nos achegará tanto en ataque como en defensa", asegura o seu novo adestrador, Luís Montes, tras sinalalo como "peza clave" no  Alarcos que disputou a fase de ascenso á máxima categoría o curso pasado.

O lateral alacantino comprométese co Teucro ata final de tempada con posibilidade doutra opcional.

Relacionadas: