A quinta edición da Lanzada Ocean Race, cun cartel de quilates
Por Redacción
A Lanzada Ocean Race chega esta fin de semana, sábado 8 e domingo 9 de decembro, á súa quinta edición.
A competición de surfski e pádel surf, organizada polo Club Náutico Portonovo, contará cun cartel de renome, no que figuran importantes nomes do piragüismo nacional e internacional como o pontevedrés Álvaro Fernández Fiuza, o surafricano Óscar Chapulpski, Iván Alonso, Luís Amado Pérez ou os campións olímpicos Carlos Pérez e o portugués Emmanuel Silva,
O sábado 8 ás 15:30 darase a saída desde a praia de Major cun percorrido de 8 quilómetros para modalidade de pádel surf.
Pola súa banda o domingo 9 ás 11:00 da mañá será a quenda para a proba raíña na que participarán preto de 100 deportistas de catro países (España, República Checa, Sudáfrica e Portugal). Os participantes terán que completar un percorrido de 17 quilómetros con saída na praia da Lanzada para a categoría de surfski e Oc1.