Os problemas físicos, unha dor de cabeza para o Teucro ante a fase máis cargada do calendario
Por Diego Espiño
As dúas últimas vitorias en liga relanzaron non só as aspiracións do Teucro de permanencia na Liga Asobal, senón tamén o optimismo no club pontevedrés.
Con todo un problema en forma de lesións afoga aos de Luís Montes xusto antes de entrar na fase máis cargada do calendario.
Os azuis disputarán 4 partidos de liga en apenas 12 días, ao que se suma a eliminatoria de Copa do Rei ante o Torrelavega (19 e 22 de decembro) antes do parón do Nadal.
O primeiro deses choques será o do sábado 1 de decembro ante o Atlético Valladolid no Municipal, para viaxar o martes 4 á cancha do intratable Barcelona e recibir o día 8 ao Cangas na casa nun duelo sinalado como clave na pelexa por eludir a zona baixa da táboa. Despois, de novo entre semana, chegará un longo desprazamento a Benidorm (12 de decembro).
Todo isto avecíñase xusto cando varios dos xogadores importantes nos esquemas de Luís Montes non puideron adestrar con normalidade nos últimos días por diversos problemas físicos.
Iván Fernández, Juan Quintas e Carlos Gehrhardt, que xa se perderon o último encontro en Cuenca, continúan con molestias, mentres que á lista sumáronse homes como Dani Hernández e Fafa Cangiani.
Toda unha dor de cabeza para o técnico azul, xa que aínda que algún forzará para estar co equipo especialmente nos dous choques que xogarán como locais ante Valladolid e Cangas, resultará difícil poder contar co plantel ao completo.
Relacionadas:
-
Mal día na oficina para o Teucro ante o Atlético Valladolid (25-31)
Por Diego Espiño & Diego Torrado |
-
O Teucro fortalece o vínculo cos seus patrocinadores
Por Diego Espiño |
-
O Teucro dá a sorpresa e consegue dous puntos vitais en Cuenca (31-32)
Por Redacción |
-
O gol no Teucro ten acento serbio
Por Diego Espiño |
-
Triunfo xusto ante o Alcobendas dun Teucro que se reengancha á pelexa (38-29)
Por Diego Espiño & Diego Torrado |