Todo a punto no Arxil para o inicio dun novo curso
Por Redacción
O Club Baloncesto Arxil prepárase para iniciar un novo curso coa volta aos adestramentos do seu primeiro equipo, previsto para o luns 3 de setembro.
Farao previsiblemente con todo o seu plantel fóra de Aldara Vázquez e Noa Casalderrey, con permiso para incorporarse uns días máis tarde, polo que Mayte Méndez traballará desde o primeiro día coas novas incorporacións como as estadounidenses Sierra Clak e Janea Williams e a catalá Gala Mestres.
Co primeiro equipo exercitaranse tamén xogadoras do filial e o conxunto junior.
Será pouco máis dun mes de preparación para chegar ao comezo da Liga Feminina 2 nas mellores condicións posibles.
Durante ese tempo o corpo técnico ten xa definido case na súa totalidade o calendario de partidos de preparación, nos que terá especial protagonismo a Copa Galicia. Así na competición autonómica o Arxil xogará o 14 de setembro en Vigo ante o Celta, o 18 ou 19 de setembro ante o Cortegada de Vilagarcía e o día 22 recibirá no CGTD o Maristas da Coruña. Ademais pechouse un amigable contra o Rosalía Pío XII en principio para o 29 ou 30 de setembro sempre que o equipo pontevedrés non se clasifique para as semifinais da Copa Galicia.
Relacionadas:
-
O Arxil progresa pero queda fóra da Copa Galicia ao perder ante o Cortegada (69-68)
Por Redacción |
-
O plantel do Arxil pasa recoñecemento médico no Hospital QuirónSalud Miguel Domínguez
Por Redacción |
-
O Arxil renova a Noa Casalderrey e xa pensa no inicio da pretempada
Por Redacción |
-
O Arxil, a un paso de dar por pechado o seu plantel
Por Redacción |
-
Janea Williams, poderío americano baixo taboleiros para o Arxil
Por Redacción |