A segunda volta arranca para o Poio Pescamar con reforzo e visita ao líder
Por Redacción
Seis xornadas acumula sen gañar o Poio Pescamar en liga, e quere recuperar o paso o equipo adestrado por Marcio Santos na pista máis complicada da categoría, a do Atlético de Madrid Navalcarnero.
As vermellas visitan este sábado (18:00 horas) ao líder da Primeira División e actual campión de liga, equipo que esta campaña só cedeu ata o momento unha derrota e un empate.
Na convocatoria do Poio Pescamar entra por primeira vez a brasileira Delise Geraldo, recentemente chegada ao equipo como fichaxe de inverno. Trátase dunha xogadora de 24 anos, zurda, que esperan no club achegue rapidez no xogo e gol.
Tras estrearse o xoves no adestramento do equipo, Geraldo viaxa nunha expecición da que cae Yoli por unha escordadura no pescozo.
Desta forma a lista do Poio para a súa viaxe a Navalcarnero compóñena: Silvia, Mónica, Ale de Paz, Jenny Lores, Carol, Jessi Lores, Ceci, Iria, Patri Corral e Delise Geraldo.
Relacionadas:
-
Poio Pescamar dá a de area e cae ante Penya Esplugues (1-4)
Por Redacción |
-
Poio Pescamar repite proeza e volve gañar a domicilio o líder Atlético Navalcarnero (2-3)
Por Redacción |
-
Segue en horas baixas o Poio Pescamar cedendo tamén en Murcia (4-3)
Por Redacción |
-
Universidad de Alicante convértese na particular "besta negra" do Poio Pescamar (1-3)
Por Redacción |