O Mapfre aproxímase a Melbourne defendendo o seu liderado provisional
Por Redacción
A terceira etapa da Volvo Ocean Race, entre Cidade do Cabo e Melbourne, entra na súa recta final e faio cunha situación envexable para o Mapfre.
A embarcación do Real Club Náutico de Sanxenxo colocouse nas últimas xornadas á fronte da frota superando ao Donfeng chinés, e agora inicia a aproximación cara á costa australiana na primeira posición provisional.
"Por fin trasluchamos cara ao Norte, cara a Melbourne!", sinalou o patrón do desafío español, Xabi Fernández, recoñecendo que "o vento é de máis de 30 nós a maioría das veces e imos borrasca tras borrasca, pero estamos a lograr manter o barco a salvo e rápido".
O Mapfre mantiña 30 millas de vantaxe sobre o Dongfeng cando a tripulación chinesa entraba en modo sixilo (sen mostrar a súa posición no parte ata 24 horas), unha renda que espera poder manter nas últimas 48 horas de navegación.
As previsións da organización é que a cabeza da proba poida chegar a porto ao longo da mañá do día 24, en Noiteboa, segundo a hora española, tarde-noite en Melbourne.
O último parte de posicións, publicado ás 14:00 horas deste venres, colocaba ao Mapfre a pouco máis de 800 millas da chegada, con 191,4 millas de vantaxe sobre o Vestas e 201,6 millas co Team Brunel.
Esta etapa, que puntúa dobre para a clasificación xeral da Volta ao Mundo a Vela, marcaría as primeiras diferenzas importantes de manterse o resultado, destacando ao barco español no liderado da xeral.
Relacionadas:
-
O barco español, a defender o liderado na cuarta etapa da Volvo Ocean Race
Por Redacción |
-
O Mapfre destácase na clasificación da Volvo Ocean Race tras gañar a terceira etapa
Por Redacción |
-
Loita ao límite para o Mapfre no medio do Océano Sur
Por Redacción |
-
Támara Echegoyen, vencedora co Mapfre na segunda etapa da Volvo Ocean Race
Por Redacción |