O Campionato de España de Dúatlon será clasificatorio para o Mundial de 2014 en Grupos de Idade e Dúatlon Paralímpico
Por Diego Espiño
Os días 27 e 28 de abril Pontevedra converterase en sede do Campionato de España de Dúatlon nas categorías de Elite, Grupos de Idade e Dúatlon Paralímpico, unha competición que servirá de preludio ao que virá en 2014, o Mundial da especialidade que tamén terá lugar a beiras do río Lérez.
A novidade nesta edición do Nacional é que os cambios na normativa farán que Pontevedra outorgue prazas de clasificación directa para o Mundial en Grupos de Idade e tamén no Dúatlon Paralímpico, toda vez, que os deportistas Elite se rexen por diferentes criterios.
Así os 15 primeiros de cada grupo nas diferentes idades conseguirán praza para a gran cita de 2014, mentres en Dúatlon Paralímpico as prazas recaerán nos tres primeiros clasificados de cada categoría.
Pola súa banda, a decisión da Federación Española de Triatlón de non incluír no calendario clasificatorios para o Campionato de España provocou que a inscrición para Pontevedra en Grupos de Idade sexa libre e aberta.