Reforzo moral para Bea Gómez cunha medalla de prata en Marsella
Por Redacción
A pouco máis dun mes de que se celebre en Pontevedra o Open Nacional de Primavera de natación, no que estarán en xogo os billetes para o Campionato do Mundo de Budapest, Bea Gómez demostrou estar nun bo momento de forma dentro do seu plan de preparación.
A nadadora pontevedresa viaxou xunto ao Equipo Nacional ata a localidade francesa de Marsella para participar durante a fin de semana no Meeting Open Mediterraneé, e a cita non puido ser máis positiva.
Bea sumou unha medalla de prata que reforza a súa moral e empeza a deixar en segundo plano os problemas físicos que sufriu no último ano.
A deportista do Club Natación Galaico foi segunda nos 200 estilos, cun tempo de 2:15.48, só superada pola estrela húngara Katinka Hosszu (2:14.39) e superando á mismísima Mireia Belmonte, que foi cuarta nesta proba (2:16.06).
Ademais deste segundo posto, Bea Gómez foi cuarta nos 400 estilos, cunha marca de 4:45.56.
Relacionadas:
-
Todo listo en Pontemuiños para acoller o "evento estrella de la natación española"
Por Diego Espiño |
-
Volve a festa da natación de base co XII Trofeo Promesas do Lérez
Por Diego Espiño |
-
Ouro, mínima europea e mundialista para Águeda Cons no Nacional Junior
Por Redacción |
-
Bea Gómez, co equipo nacional en Marsella
Por Redacción |
-
Conceden a Pontevedra a organización o Campionato de España Open Absoluto de Primavera de natación
Por Diego Espiño |
-
O Galaico, sen rival no Campionato Galego de Inverno
Por Redacción |