Mal día do Cisne, incapaz de inquietar un Barcelona B moi superior (37-30)
Por Redacción
Tentou o Cisne xogar coas mesmas armas que o Barcelona B na súa visita á cidade deportiva Joan Gamper, pero non lle saíu ben. O filial azulgrana demostrou o seu poderío ofensivo e no intercambio de golpes superou con claridade aos de Jabato, que aguantaron relativamente preto ata o segundo tempo, pero que foron sempre a remolque no marcador.
Os comezos de partido xa aventuraban o que logo sucedería. O altísimo ritmo de xogo conducía a unha especie de tolemia ofensiva que en só tres minutos deixaba no luminoso nada menos que seis goles (3-3). Logo foi un constante querer e non poder para os pontevedreses, que vían como o equipo azulgrana tomaba unha primeira renda de tres goles (9-6) mediado o primeiro tempo, que xa non cedería, manténdoa ata o descanso (18-15).
Uns e outros practicamente repetiron proposta e cifras na segunda parte, que mantivo o elevado ritmo ofensivo, facendo sufrir ás respectivas defensas. Pero nese xogo o Barcelona B tivo máis pegada. Os galegos seguiron preto ata que mediado o segundo tempo o equipo local deu un pequeno acelerón e ampliou a brecha (27-22).
Jabato pediu tempo morto para tentar buscar solucións, pero o Barcelona B seguiu martilleando a meta branca ata chegar ao final con ese claro 37-30 que afasta ao a dous puntos Cisne da pelexa polo play-off e coa difícil papeleta de recibir ao segundo clasificado, Palma del Río, o vindeiro sábado no CGTD.
Consulta aquí o acta do partido Barcelona B-Cisne.
Relacionadas:
-
Puntuar fóra, obxectivo do Cisne na complicada saída a Bordils
Por Redacción |
-
"Por min e por todos os meus compañeiros". O Cisne vence a Palma del Río (20-17) e fai despegar ao Teucro
Por Ramiro Espiño & Diego Torrado |
-
O Cisne pon a proba a súa fortaleza como local ante o Palma del Río
Por Redacción |
-
Esixente exame en Barcelona para o Cisne
Por Redacción |
-
Empate que sabe a pouco do Cisne ante Alcobendas (28-28) nun partido eléctrico
Por Ramiro Espiño & Diego Torrado |
-
Alarcos Ciudad Real imponse ao Cisne (32-28) e aperta a loita polo play-off
Por Redacción |
-
O Cisne dáse licenza para soñar na súa complicada saída a Cidade Real
Por Redacción |