Exhibición de Gómez Noya no medio Ironman de Dubai: vitoria e clasificación mundialista
Por Redacción
Pouco importou que se tratase da súa primeira competición de 2017, ou que chegase en plena fase de posta a punto para o inicio das Series Mundiais. Para Javi Gómez Noya non hai opción de correr a medio gas.
O triatleta galego deu unha exhibición este venres no Ironman 70.3 de Dubai, no que buscaba unha praza para o Mundial da especialidade que se celebrará en setembro.
Non só o conseguiu, senón que superou con suficiencia aos seus rivais cun demoledor parcial na carreira a pé, que completou en 1 hora e 10 minutos.
Gómez Noya chegou en segunda posición o final dos 1.900 metros de natación iniciais, pero no segmento de ciclismo tocoulle sufrir e ir descendendo posicións. Chegou á última transición na novena pocisión, a 2:54 do grupo de cabeza que formaban Martin Jensen, Tyler Butterfield e Josh Amberger.
Pero era o turno do medio maratón final, onde sacou a relucir toda a súa calidade cun ritmo inaguantable para os seus rivais. No quilómetro 7 a renda reduciuse á metade, e no 12 xa lideraba a carreira, marchando en solitario cara á vitoria final.
Ao final, en meta, Javi Gómez Noya marcou un tempo de 3 horas, 42 minutos e 21 segundos, superando en máis de dous minutos ao segundo clasificado, Josh Amberger (3:44:38), mentres o terceiro foi Tyler Butterfield (3:45:10).
Co primeiro obxectivo da tempada cumprido, o pentacampeón mundial en distancia olímpica céntrase xa en chegar en boa forma ao debut das Series Mundiais, que tamén terán lugar nos Emiratos Árabes, neste caso en Abu Dhabi, a primeira fin de semana do mes de marzo.
Relacionadas:
-
Javi Gómez Noya regresa ás Series Mundiais en Yokohama
Por Redacción |
-
Australia, segunda parada nas Series Mundiais de tríatlon para Javi Gómez Noya
Por Redacción |
-
Ata 100.000 dólares de premio e tres días de competición, así é a Super League na que debuta Gómez Noya
Por Diego Espiño |
-
Regreso soñado de Gómez Noya ás Series Mundiais, con vitoria en Abu Dhabi
Por Diego Espiño |
-
A reconquista de Gómez Noya empeza en Abu Dhabi
Por Redacción |
-
Os 'vampiros', á caza de Javier Gómez Noya
Por Redacción |
-
Javi Gómez Noya busca en Dubai a clasificación para o Mundial Ironman 70.3
Por Redacción |
-
O tríatlon pontevedrés traslada o seu cuartel xeral a Lanzarote
Por Diego Espiño |
-
Álvaro Arbeloa cómpralle a bicicleta a Javi Gómez Noya
Por Redacción |
-
Gómez Noya doa 5.000 euros para colaborar no traballo social da Asociación de Veciños O Mirador
Por Redacción & Mónica Patxot |